Déixaa marchar,
déixaa irse coa marea,
entre as rochas,
entre as ondas.
Entre a ría e o mar,
vello mariñeiro,
de sal a mirada,
de chagas a pel,
os ollos no horizonte,
entre Sálvora e a area.
Deixa a barca,
solta as redes,
amarra os soños.
Déixaa marchar,
vella dorna,
co arrolo das sereas,
entre o sol e a bruma.
Mira como parte,
co vento,
xa nada tes que temer.
Déixaa marchar,
entre a ría e o mar.
